புல் என்னும் ஆசிரியர்

 வாழை

நெருங்கியது தீபாவளி.கோயம்பேடை நீண்ட அசௌகரியத்துக்குப்பின் அடைந்தேன்
அரசு பேருந்துகள் ஹவுஸ் புல் போடாத குறையாக இருந்த அனைத்திலும் மக்கள் தலைதவிர வேறொன்னும் காண இயலவில்லை.

தனியார் பேருந்து நிறுத்தம்.
கூவி கூவி அழைத்தார்கள்.
டிக்கெட் காகிதத்தில் மூன்றிலக்க எண்ணில் தொகை யிட்டு நீட்டினர்.
நாம் ஒன்றும் செவ்வாய் கோளுக்கு பயணச்சீட்டை கேட்கவில்லையே,பிறகேன் இத்துணை கிராக்கி?.இதை அவனிடம் கேட்க முடியுமா,? போடா வெண்ணை என்று துரத்தி விட்டாலும் பரவாயில்லை மண் தூற்றி பாட்டான் பூட்டன் வரை இழுத்து இலவு கொட்டிவிடுவான்கள்.

அதற்கு பணம் போனாலும் பரவாயில்லை எனும் அக்மார்க் தமிழனின் தன்மாணப் பண்போடு,நீட்டி முழக்கி வாங்கி வண்டிக்காய் காத்திருக்க ,சுண்டக்காயில் சீட் தைத்து எஞ்சின் பூட்டியது போல ஒரு பஸ்.அதன் பேர் பஸ்ஸாம் அவர்களே அங்ஙனம் சொல்லிக்கொண்டார்கள்.
தொலையுங்களடா க்ராதகர்களா, என ஏறி அமர்ந்து பயணம் துவக்கினால்,இருந்த இடத்திலிருந்து பேருந்து நிலையம் விட்டு வெளியே வர இரண்டு மணி நேரம்.அட இதுஎன்னடா அந்த ஏழுமலையானுக்கு வந்த சோதனை, வியக்க இயலவில்லை கோபித்தும் பயனில்லை, படுத்து தூங்கவும் வழியில்லை, உலகை இருட்டா வழியில்லையா என யோசித்தேன்.விழிகள் மூடிக்கொண்டேன்.

அந்த காலத்தில் எல்லாம் எங்கள் ஊரில் மைக் கட்டி அம்பாசிடர் காரில் வலம் வந்து அறிவிப்பார்கள் ,"தமிழ்நாடு தமிழ்நாடு தங்கத் தமிழ்நாடு, அண்ணா வாங்க அம்மா வாங்க,எத்தனையோ செலவு,அந்த செலவோட ஒரு செலவு. மலைக்கோட்டை மாநகராம் திருச்சி கேஏஎஸ் ராமதாஸ் ஒரு கோடி ரூபாய் சூப்பர் பம்பர் குலுக்கல்".அந்த குலுக்கலை எல்லாம் தடை பண்ணின அரசுக்கு , இந்த குலுக்கலுக்கு ஒரு சடைகூடப் போட வக்கற்ற நிலையை எண்ணி சிரித்தேன்,'குலுங்கிக் குலுங்கித்' தான்,ஆனால் அது என் மனப்பயன் வினையன்று.


விடிகாலை.
என் அருகமர்ந்தவரைக் காணோம்.இறங்கியிருப்பார்.
ஊர் வரப்போகிறது.இறங்க ஆயத்தமானேன்.
காலனி தேடுங்கால் காலில் தட்டியது,மணிபர்ஸ்.
அதில் என் அருகமர்ந்தவரின் அடையாளச்சீட்டுகள்.
கத்தையாகப் பணம்.
நான்கிலக்கத் தொகை!!
தட்.......கடவுள் இருக்கான்டா கொமரு மொமன்ட்...!

விரிச்சோடிய வீதியில் , வரவேற்றன பூட்டிய கேட்டுகள்.
முகம் பார்த்து , எடை பற்றின அன்னையரின் சில பரிகாசத்துக்குப் பின்,
அப்பாடா,இதற்குத் தானே ஆசைப்பட்டாய் பாலகுமாரா ,போய் கட்டிலில் விழுந்த போது, கட்டில் என்னைப் பார்த்து இவ்வணம் எள்ளியிருக்கலாம்.

விடி,அதி அடைமொழிகளை இழந்த வெறும் காலை வேளை.அந்த நான்கிலக்கத் தொகையை வைத்து நகைக் கடை தொடங்கி,அது நகைக் கடலாகி நடிகர் திலகம் சிவாஜி கணேசன் தோற்ற ஒற்றுமை கொண்ட அமித்தாப் பச்சனையும், போனால் போகிறதென்று,அவருடைய மருமகளாகிப்போன என் முன்னாள் காதலியையும் அழைத்து திறக்க வைத்து, என்னைக் வேல வெட்டி இல்லாத வெளங்காத வெளக்கெண்ண! என்று விளித்த அந்த பழைய ஹவுஸ் ஓனர் மூஞ்சில கரியப் பூசி, பார்ரா பார்ரா!! என்று கொக்கரித்து ஒரு முப்பது ஆண்டுகள் வாழ்ந்து முடித்துவிட்டேன்.அக்கையர் தொல்லையிடாதிருந்தால், இன்னொரு இருபது வருடங்கள் தாண்டி வாழ்வும் முடிந்திருக்கும்.நிறைவாய் ஒரு சுபம் போட்டிருக்கலாம்.
நான் இவ்வளவு நேரம் தூங்கினாலே அந்த அக்கையாரின் மூக்கி்ல் உஷ்ணம் ஏறிவிடும்.

காலை உண்டிக்கு இலை வேணுமாம்.அதுவும் வாழைஇலை.அதுவும் கிழிசல் வராத  கருப்பண்ண கவுண்டர் தோட்டத்து தலைவாழை இலை தான் வேணுமாம்.அந்தாளு பெண்ணுக்கும் அக்கையாருக்கும் கொஞ்சம் நொரண்டு.அவர் வெடுக்கென்று பேசிவிடுவார், இவர் படக்கென்று சாத்திவிடுவார்,கதவையும் தான்.பள்ளித் தோழிகள் வேற.

வாழைத் தோட்டம்.
வாழைமரம் என்பது நெடு நெடுவென வளர்ந்த ஒரு சாதாரண புல்தான்.
ஒவ்வொரு வாழை மரமும், தனக்கு வேண்டிய உணவை மட்டும் தானாகவே எடுத்துக் கொள்கிறது.அவை வாழ மண்ணையும்,வளர மழையையும் இறைவன் தருகிறான்.அவசியத்தைத் தாண்டி,அவைகளின் தேவை அமைவதில்லை. தேவைகளைத் தாண்டி துளி நீரையும் தொடுவதில்லை.மிக முக்கியமாக இரண்டு தலை சிறந்த பண்புகள்,

#நீங்கள் வெட்டியே சாய்தாலும்,மீண்டும் வளர்ந்து உங்களுக்கே சத்தான வாழைப்பழம் தரும்.
#அடுத்த மரம், பக்கத்து மரம் எதிர்மரம் எதி்லிருந்தும் தன் தேவைகளுக்காக கடுகளவு ஆற்றலையும் எடுப்பதில்லை, பிடுங்குவதில்லை,தொடுவதுகூட இல்லை.

ஆனால் நீ??
கை கொட்டி சிரிப்பது போல ,காற்றில் இலை யாட்டி ஒலி எழுப்பியது.


-அரண்
தேன்மழை

Don't be ego on others.  Try to grow yourself with your own. Don't spend on others for your growth

மனித நேய மக்கள் கட்சிக்கு நண்டு வறுவல் எப்போ?

கடலை நோக்கி ஒரு கட் எறும்பு வந்துட்டிருந்தது.

வடிகால் இல்லாக் கழனியிது!

அழுகையாகத் தான் வருகிறது .பிறகு வீட்டுக்குள் இருந்த அனைவரையும் அந்த பாம்பு கடித்து செத்துப் போனால் கையறுநிலையில் வேறென் செய.அது ஒரு ராஜநாகம் .

கழுவச் சேர்வை-உண்மை முகங்கள்!

கடவாப் பல்லில் கறித் துண்டு மாட்டிய அவஸ்தையை அனுபவித்ததுண்டா?
பல்லிருப்பவர்களுக்குத் தெரியும் அந்த கொடுமை!

கழுவச் சேர்வை -இசை-சிபிலிஸ்-மனம்-facebook!

இந்த சமுதாயத்துக்காக நம் அடையாளங்கள் பல மாறியுள்ளது .உண்ணும் உணவாகட்டும் ,உடுத்தும் உடையாகட்டும்,ஏன் போகும் கழிவறையாகட்டும்.உங்களை, என்னை இந்த சமுதாயம் பல இடங்களில் செதுக்கியுள்ளது.தெரிந்தோ தெரியாமலோ நமக்குள் நான் எனும் பிம்பத்தை உருவாக்கிக் கொடுத்திருக்கிறது .ஆனால் பாருங்க,அந்த நான் தன்மை செயற்கையானது.எப்போதும் மனம் இயற்கையைத் தானே நாடும்!!!

அல்லவா?
T எனும் சுயம் அழியும்  போது,அது வரை ஒளிந்திருந்த உண்மையான நாம் வெளிவரும் ,சமூக முக மூடி அழிந்து .இதைத் தான் காமம்,காதல்,புகை ,மது இன்ன பிற போதை வஸ்துக்களும் தருகிறது .மனமும் அதையே நாடுகிறது .விளைவு -மனிதன் அடிமை.ஆனால் நண்பர்களே!
இசையும் இந்த வரிசையில் தான் உள்ளது .அதைக் கூட உபயோகிக்கலாம் ,மனமும் உடலும் அடிமையாகாமல் சுதந்திரமாகவே !
**********----------------------

Annular Secondary Syphilis.பால் வினை நோய்.
பொதுவாக சிபிலிசு என்றால் பிறப்புறுப்பில்தான் புண் வரும் என்பார்கள் .இது அதில் வேறுபட்டது.
செந்தடிப்புகள் தோலில் எப்படி இருக்கிறது பாருங்கள் .
ஆனால் நான் சொல்ல வந்தது இந்த வேற்றுமையல்ல!
சிபிலிசே நம் நாட்டுக்கு வேற்றுமையானது .
It was a time of world exploration and Europeans took the disease to Calcutta in 1498,பிறகு தான் நம்மூரில் எல்லாம் படம் காட்ட ஆரம்பித்தது அந்த சிபிலிஸ் .
இதை நம்மூரில் எப்படி அழைத்தார்கள் தெரியுமா ,?
நம் ஊர் கிடக்கிறது , சிபிலிஸ் பிறப்பெடுத்த ஐரோப்பாவில் என்னவெல்லாம் சொல்லி அழைத்தார்கள் தெரியுமா ?
The French called it the ‘Neapolitan disease’, the ‘disease of Naples’  or the ‘Spanish disease’, and later grande verole or grosse verole, the ‘ great pox’, the English and Italians called it the ‘French disease’, the ‘Gallic disease’, the ‘morbus Gallicus’, or the ‘French pox’, the Germans called it the ‘French evil’, the Scottish called it the ‘grandgore‘, the Russians called it the ‘Polish disease’, the Polish and the Persians called it the ‘Turkish disease’, the Turkish called it the ‘Christian disease’, the Tahitians called it the ‘British disease’,
in India it was called the ‘Portuguese disease’,
in Japan it was called the ‘Chinese pox’, and there are some references to it being called the ‘Persian fire’
இதில் கவனித்துப் பாருங்கள் ,
ஒவ்வொரு நாட்டுக்காரனும் பகை நாட்டின் பேரை சிபிலிஸுக்கு வைத்திருக்கிறான்கள் .(றார்கள் )
பாத ரசத்தைத் தடவியும் மாத்திரையாகத் சாப்பிட்டும் இரண்டு நூற்றாண்டுகள் (16முதல் 18வரை)விழுங்கியிருந்திருக்கிறார்கள்.
பிறகு ஆர்சணிக் ,அப்புறம் தான் பென்சிலின் வந்து தீர்வு கட்டி யிருக்கிறது .
பாதரச வைத்தியம் நடப்பில் இருந்த போது ,அதன் வைத்திய முறையை இப்படிக் குறிப்பார்கள்.
“A night with Venus, and a lifetime with mercury”
இதில் விசேசம் ,
ஆர்சணிக் கண்டு பிடித்த எர்லிச்க்கும் பெனிசிலின் கண்டுபிடித்த பிளமிங் இருவருக்கும் நோபல் பரிசு கிடைத்திருக்கிறது.
அப்படி யானால் பாதரசம் கண்டு சொன்னவனை ஏன் மறந்தார்கள் என்றால்
Neuropathies, kidney failure, severe mouth ulcers and loss of teeth, and many patients died of mercurial poisoning rather than from the disease itself.
இது மாதிரியான பக்க விளைவுகளாலா?என்றால் ,
நிச்சயமாக இல்லை .
அதை விட முக்கியமான காரணம் ஒன்று உள்ளது .
பாத ரசம் பயன்படுத்தப்பட்ட 16ஆம் நூற்றாண்டில் நோபல் பரிசு என்பதே இல்லை .
அப்படியே இருந்திருந்தாலும் மேற்சொன்ன பக்க விளைவுகளால் மறுக்கும் வாய்ப்புகள் நிறைய உள்ளது .
பாதுகாப்பாக, பத்திரமாக , ஒரே அடியில் சிபிலிஸை வீழ்த்தி ,இனி வேறு எந்த மருந்துகளும் தேவையில்லை என்ற நிலையை பெனிசிலின் உருவாக்கி விட்டது .
அதனால் சிபிலிஸின் ஆட்டம் கட்டுக்குள் கொணர்ந்து கக்கத்தில் சுருட்டியாகிவிட்டது.
இதைப் போல  எய்ட்ஸ்க்கு நிகழ இன்னும் இரண்டு நூற்றாண்டு காக்க வேண்டுமா என்றால் ?
நிச்சயமாக இல்லை !
தற்கால ஆய்வுகளில் தெரிவது ,
அதை விட அதிகமாகத் தான் காக்க வேண்டும் .
ஆதலால் காக்க வேண்டியவைகளைக் காத்துக் கொள்ளுங்கள் , காக்கைகளும் காத்துக் கொண்டு தான் இருக்கிறது ,கவ்விக் கொண்டு போக!!!
***********----------------------
புகைப்பழக்கம் புற்றுநோயை உருவாக்கும் .
சினிமாவே பார்க்க மாட்டேன் என அடம் பிடிப்பவன் கூட இந்த வாசகத்தை எங்கேனும் , ஏன் அந்த சிகரெட் டப்பாவிலேயே கூட கண்டிருக்க முடியும் .
உலகில் அதிகம் பேரை அடித்துத் தின்னும் புற்று எது என்று கேட்டால் அது பஞ்சு போன்று மென்மையான நுரையீரலின் புற்று தான் .
ஆனால் அது மருந்து மாத்திரைகளில் அடங்கிவிடுவதில்லை .
தொழில் நுட்பம் தூங்கியிருந்த காலத்தில் வேண்டுமானால் சரி , இப்போதும் 'கட்டி யிருந்தால் வெட்டிப் போடு 'என்ற நிலை எப்படி சரியானதாகும்.
Crizotinib
இந்த மருந்து சமீபத்திய வரவு.ROS1 proto-oncogene receptor tyrosine kinase (ROS1) வேலையைத் தடுப்பானிது.நுரையீரலில் வரும் பெரும்பான்மைப் புற்றான non–small-cell lung cancers (NSCLCs)களை குணமாக்க வல்லது.
***********---------------------

கமகமக்கும் கட்டிலில்
அணைந்தது காமத்தீ
-முதலிரவு !
**********----------------------
நாயில்லாத வீடுகளில் கயிறோ கல்லோ தேவையில்லை.எண்ணிப் பாருங்கள் ,நீங்கள் நாயோ பூனையோ எலியோ வீடுகளில் வளர்க்கிறீர்கள் என வைத்துக் கொள்வோம்.எதுவும் செய்யாது சும்மா விட்டுப் பாருங்கள்.வெறுமனே அவுத்து விட்ட கண்ணுக்குட்டியாட்டம் தான் ஆட்டம் போடும் .அதை அடக்க நீவிர் ஏது செய்வீர் ?,
சங்கிலியோ கயிறோ வசதிக்கு ஏற்றாற்போல கட்டிப் போட்டு கம்முனு கடக்கச் சொல்லிவிடுவீர்கள் !
அல்லவா?
அந்த நாயும் பொட்டாம் பொதிகாளையாட்டம் கொடுத்த பணிமுடித்துப் பண்ணாட்டுப் பண்ணாமல் போய் படுத்துக் கொள்ளும் .
இளநெஞ்சே ,
எண்ணிப்பார் !
மனமே இல்லாதவனுக்குக் கோயில் என்ன? கடவுள் என்ன ?
அல்லது காரித் துப்பும் (80களில் அக்காலப் பாட்டிகள் புளுச் புளுச் என ஒரு டப்பாவில் துப்புவார்களே ,அந்த டப்பாவின் பேர் தெரியவில்லை ,ஆனால் அது தான் நான் இங்கு கூற வருவது )டப்பாவோ
தான் என்ன ?
எல்லாம் ஒன்னு தான் வெறும் மண்ணு தான் .
இருந்தும் பயண் தரா!!!!!!!
***********----------------------
நிறக்குருடுகள் .
நம்மூர்களில் அங்கொன்றும் இங்கொன்றுமாக இருப்பவை .
மேலை நாடெகளில் சகஜம் .
அதிலும் இந்த சிகப்பு பச்சை கலவை நிறக்குருடு பாவத்திலும் படு பாவம் .
sex chromosome பிறழ்வுகளால் தொற்றும் இந்நோய் பெண்களைத் தொடுவதில்லை.
ஆணுக்கு ஒருxஒருy
பொண்ணுக்கோ இரண்டும் x
அதில் ஒன்று பிழையானால் என்ன ?
சமீபத்தில் கூட Whatsapp இல் நீள வண்ணம் ஒளிர்வால் பிரச்சனைகள் பல உருவாகிறது என கூக்குரல்கள் பல எழுந்ததே !
சொல்ல மறந்து விட்டேன் ,பாவப்பட்ட அந்த சிவப்பு பச்சை நிறக்குருடுகளுக்கு ஒரு தீர்வும் இருக்கிறது .
"பார்ப்பதை எல்லாம் நீளமாக்குக!!"

-தேன் !
(இதை நான் எழுதி முடித்துத் தலைப்பிடுகையில் கொக்குவிரட்டி ஙே என முழித்தான்.ஒன்னியும் புர்லையே என்றான் .அட விரட்டிப் பயலே கடலில் இருந்து எடுக்கும் முத்துகள் சுத்தமாகவா இருக்கும் என கேட்டேன் .கலீஜா தான் இருக்குமென்றான் .பிறகெப்படி சுத்தமாக பளிச்செனக் கோவையாக்கி முத்து மாலையாக கழுத்தில் அணிய முடிகிறது என்றேன் .அது ,சுத்தமாக க் கழுவி ஒன்னு ஒன்னாச் சேர்த்து மாலை யாக்கிக்கலாம் என்றான் .என்ன செய்வாய் கழுவி சேர்ப்பாயா?
இப்போது தலைப்பைப் பார் ! என்றதற்கு ,
கொக்கு விரட்டியின் தலையில் பல்ப் எரிந்தது !)

கழுவச் சேர்வை = Random thoughts

The Triumph - (கவனக்குறை உள்ளவர்கள் இதைப் படிக்க வேண்டாம்!)

--------------------------------தயவுசெய்து கவனமாக படிக்கவும்------------------------------------

குரங்கு மனுசா!-@Random Thoughts

இது நடந்தது சுமாராக 4லட்சம் வருடங்களுக்கு முன்
.மனிதனுக்கும் குரங்குக்கும் நிகழ்ந்த கருத்து வேற்றுமைகளில் முதன்மையானது ,"முடியும் ,முடியாது"!.முடியாதென்றவர்கள் இன்றும் வயிற்றுப் பிழைப்புக்கு 'அடுரா ராமா 'தான் போட்டுக் கொண்டுள்ளார்கள் சாலையில் .ஏனையோர் வேலையில் ,ஓலையில் !
சங்க காலத்தில் பேப்பர் இருந்ததா என்ன ..?(ஓலை =பேப்பர் )
 ----------------------------------------------------------------------------------------------------------

மூங்கிலென்ன முகிலென்ன?
ரோஜாவின் இதழன்ன!
மெல்லிதழ் கள்வ!நின்!
பன்னீரின் இதந்தன்னில் !
குத்திய முள் மறந்தேன் .
-மீசை !

=================================================================

மூடி வைத்தல்-

எங்காவது சாப்பாட்டை மூடி வைத்து சாப்பிட்டுப் பார்த்ததுண்டா?
இல்லை,
எங்காவது அழுகிய ஊசிப்போனப் பண்டத்தை மூடாமல் வைத்துப்பார்த்ததுண்டா?
இரண்டும் பட்சணங்கள் தானே!
ஆனால்,
அதே உணவை இன்னொரு இடத்துக்கு எடுத்துச் செல்லும் போது மூடித்தானே எடுத்துப் போகிறோம் .மூடாமல் போனால் பிறகு அது காக்காய் கழுகுகளுக்குத்தான் இரையாகும் .
அப்படி ஒரு பண்டம் பெண் உரு எனக் கொள்க!
மகளிர் தமக்கைகளே,தயவுசெய்து மூடிக்கொள்ளுங்கள், காக்காய் கழுகுகள் பல ஊளையிட்டே உலவுகின்றன ,கவ்விட்டுப் போனபிற்பாடு கூப்பாடு போட்டாலும் போச்சே போச்சே வட போச்சே  தான் .

###########################################################################

ஈன்று புறந்தருதல் எல்லா தாய்மார்கள் கடமை .அந்த மகன் உலக மக்கள் ,தன் சமுதாய மக்கள் மெச்சும் படி தீங்கிழைக்காத நல்வழி நடக்கும் மனிதனாக்கி அறிவடைத்துக்காக்க கடவது தந்தை .அது அவரின் பிறவிக் கடன் .அதாவது நீ ஒரு தாயாகவோ தந்தையாகவோ ஆவாயே ஆனால் இச்செயல்கள் தானாகவே இயங்கிக்கொள்ளும்.
ஒரு கேள்வி தோன்றுகிறது .அப்படியானால் ஒரு இளைஞன் இளைஞியின் பிறவிக் கடன் யாது ?.அம்மகவைப் பெறல் .
அதற்கு
ஈர்த்தல் ஈர்க்கப்படுதல் இளமையின் பெறும் பொறுப்புஅல்லது கடன்கள் ஆகின்றன .முடிவில் இயற்கை என்னிடமோ உன்னிடமோ யாரிடமும் வேண்டுவது வாழ்வு சங்கிலியின் சுழல் தொடர்ச்சி.

---------------------------------------------------------------------------------------------------------------------

அதுக்கு நீ சரிப்பட மாட்ட !!

உசுப்பேத்தி உடம்பை ரணகளமாக்குவது என்பது உணர ஆரம்பிக்கிறது.கட்டியவளாயினும் கண்டவளாயினும் காவ காகாவும் ஒன்று தான் ..சொரணையற்ற சடங்கள்.ச்சை இதை விரும்பினோம் ?அருவருப்பாக உள்ளது .ஒரு ஆண் குடிகாரன் ஆவதற்கு ஒரு பெண்ணே போதுமான காரணமாயிருக்கிறாள்.ஆணுக்கோ- போதை அவசியத்திலும் அத்யாவசியமாகிறது.இந்த இழவெடுத்த பிறப்பெடுத்த காரணமோ பல சமயம் உணர்வுகளில் மங்கிவிடுகிறது.சமூகம் பெண்ணை வைத்து காசு பார்த்து கொழுக்க ,அதுவே ஆணின் ஏமற்றத்துக்கு அடிதளமாகிறது.குரங்கு மனதுக்கு சொல் புத்தி கிடையாது ,சுயபுத்தி மட்டும்தான் .சொன்னாப்புரியாது?பித்து பிடித்து தான் போகிறது .அறிவியல் மொழியில் சொல்ல வேண்டுமானால் டோப்பமைன் ,டெஸ்டோஸ்டிரோன் குவியல் கூடுதல் நிறைதல் நிரப்புதல் .உண்மையான ஆண் பித்தனாகவே வாழ்கிறான் .ஆண்ட இறைவனுக்கும் இது பொருந்தும் .ஆதாம் காலங்களில் நம் ஒவ்வொருவருக்குள்ளும் திரிந்த ஒரு மிருகத்தை வெளிச்சம் இல்லாத சத்தம் கேட்காத அறைக்குள் பூட்டிவிட்டோம்.கடமை கண்ணிய கட்டுப்பாடுகளின்  உணர்வலைகள் கதவாக இவ்விலங்கு  சிலிர்த்த போதும் திடமாக இத்தனை காலமும் காத்து விட்டது .ஆனால். இனி?

உணர்ச்சி வெள்ளத்தில் நீந்தி வாழும் இக்காலத்தில் .?அக்கதவுடைந்து மீண்டும் ஆதாம் காலம் துளிர்க்கிறதோ என ஐயமாக உள்ளது.

=======================================================================

வலி -

மனித இருத்தல் இயக்கம் இவற்றின் குறியீடு .
சில வேளைகளில் அளவுக்கு மிஞ்சும் வலி நஞ்சாகி விடும் .

நாலைந்து வேதிகள் சேர்ந்து மனதில் எழும் வலி இருக்கிறதே!ம்ம்ம்..இதுதான் மனம் எனத்தெரியத்தொடங்கும் நாளிலிருந்து பிடிக்கும் சனியது.

பூங்காகள் சென்றிருப்போம் தோட்டக்காரர் தலையை க்ராப் வெட்டுவது போல செடிகளை வெட்டுவதைப்பார்த்திருப்பீர்கள் ,அது மாதிரி களை யான எண்ணங்களையும் வெட்டியெறிய நல்ல சமுதாயம் நிச்சயம் வேண்டும் .

நல்ல சமுதாயம் என்பது அறிவார்ந்த பெற்றோர் ,கற்ற நண்பர் ,குற்றமில் சுற்றம் என பல குவியல்களின் முகமது .இதில் எங்கு பிளவென்றாலும் ,தொல்லை தனி மனிதனுக்கு மட்டுமல்ல என்பதை இவ்வூர ர் இம்மையில் உணர்வதற்கு குற்றாலீசுவர முயற்சி செய்தாலும் முடியாது .

மனம் பத்திரம் அங்கு தான் உங்களை ஆளும் கடவுள் எண்ணங்களாய் வசிக்கிறார் .

ஆளும் என்ற வார்த்தையை உபயோகித்தேன் ,அதன் பொருள் எனக்கு பிடிக்குமோ பிடிக்காதோ எதையும் செய்ய வைக்க வல்ல ஆணை பிறப்பிக்கும் அரசு போன்றது .அதனால் அங்கு நல்லவற்றையே காட்டுங்கள் ,தீயவை தீய பயத்தலால் !

-தேன்

~~

குஜிலி குண்டிலினிப் பவுடர் !

முன்பெல்லாம் பொசுக்கு பொசுக்கென்று படபடப்பாகி வெடித்து கதறி விடுவான் .அப்போதெல்லாம் அவனுக்கு அது பெரிதாகத் தெரியவில்லை .

இப்போது சுருக்கம் வேறு வந்து விட்டது .இனிமேலும் இப்படியே விட்டால் மவுசு போய் விடும் என்றதனால் ஒரு டம்ளர் குடித்து விட்டு இஸ்த்த லக்கடி லாலா சுந்தரி கோல கொப்புர கொய்யா ,என்று சொல்லி விட்டு அணைத்தான் விளக்கையும் .இரவும் முடிந்தது .காலை .
அப்பாடா என்று தடவிப்பார்த்தான் டவுசர் .கடுப்பாகிவிட்டான்.சுருக்கமும் போகல ஒரு கரும்மும் போகல.

உடனே போன்பண்ணி விட்டான்.டே கோந்து மவனே!என ஆரம்பித்து அர்சனையைத் தொடர்ந்தான் .

புத்தியக் காட்டிட்டலடா என்று போனைத் துண்டித்தான் அந்த மவன்.

பள்ளி நாட்களில் இருந்தே இப்படித்தான் ஆனா ஊனா எந்திரிச்சிடுவான்,டவுட் சார் என்று .அதுவே காலப்போக்கில் மறுவி டவுசர் ஆகி விட்டது .அந்த சர் விகுதி பிடித்துப் போனதால் அவனும் அதைப் பெரிதாய் கண்டு கொள்ள வில்லை.

சின்ன வயசில்லெல்லாம் தண்ணியிலேயே ஊறிக்கிடப்பான்.காய்ந்தே போனாலும் தண்ணியிலிருந்து வரமாட்டான் .காய் பற்றியெல்லாம் அப்பொழுது கவலை இல்லை .

முந்தா நாள் அமைதி யாகப் போய்க் கொண்டிருக்கும் போது திடுதிப்பென்று விழுந்து விட்டான் .எழவே முடியவில்லை .என்ன எழவுடா என பார்த்தான் டவுசர் .எங்கும் சுருங்கி இருந்தது.

என்னடா இது வம்பு என்று, கோந்து சாமி -அவன் நண்பனிடம் சொன்ன போது தான் அந்த சாமியாரைப் பற்றி சொன்னான் .

அந்த சாமியார்தான் குஜிலி குண்டிலினி பவுடரைக் கொடுத்து அந்த மந்திரத்தையும் சொல்லிக் கொடுத்தார்.சொன்னது மாதிரியே டவுசரும் பவுசாக இரவு டம்ளர் தேனில் கலந்து குடித்து விட்டு மந்திரத்தைச் சொல்லிவிட்டு படுத்தான் .

ஒரு சோதனைக்காக கட்டிலில் இருந்து விழுந்து பார்த்தான்.எழவே முடியவில்லை .அதற்கு டவுசரின் பொண்டாட்டி சொன்னாள் "குண்டிலீனியராச்சு இப்ப குஜிலி கேக்குதா?"

முட்டாளே மேல்!

Lucy-படம் பார்த்திருக்கிறீர்களா?
மனிதன் 100% மூளையை உபயோகித்தால் என்னவாகும் என்று காட்டியிருப்பார்கள்.முக்காலமும் உணரலாம் ,கடவுள் நிலை கூட சாத்தியம் என்பார்கள் .
100%கூட வேண்டாம் ,IQ-140தாண்டினால் நிகழும் விபரீதங்கள் தான் மேலே உள்ள படம் .
அமைதியின்றி,அடிமையாகி ச்சே,இதுக்கு முட்டாளாகவே இருந்திடலாம் போலயே !
பல சமயங்களில் வரம் எது தெரியுமா ?
அறியாமை தான் .
அறிய வேண்டாதவைகள் ,ஏன் தீயப் பழக்கங்களையே எடுத்துக் கொள்வோம் ,எதற்கு இவற்றைத் புரிந்திட முனைய வேண்டும் .இவை எல்லாம் புரிந்து முடிபவை தானா?
அறிய அறிய அடங்காத அரிப்பல்லவா அவை .!
கண் முன் தெரியாமல் கண்டதையும் போட்டு உழட்டிக்கொள்ளவேண்டாம்.மனம் ..........very fragile ...

Income Tax

நம்பி ஜெயிக்க வச்சவனே அஞ்சுக்கும் பத்துக்கும் நாட்டை விற்கும் போது ,மவராசன் கோடி கோடியா நமக்கு கொடுக்குதே,என்ற எண்ணம் பில் மெலிண்டா கேட்ஸ் பவுண்டேசன் தொடங்கிய நாளிலிருந்தே தோன்றியது .வள்ளல் பில் கேட்ஸ்.எல்லாருக்கும் அப்படி தான் தோன்றியிருக்கும் .அள்ளிக் கொடுத்த தொகை அப்படி .ஆனால் யோசியுங்கள்,அமெரிக்காவில் வருமான வரி படு பயங்கரம் .இந்தியாவை விட அதிகம் .இதுக்கே தகரம் லகரம் என்று பல ட்ரஸ்ட் பவுண்டேசன்கள் வந்து விட்டன.இங்கு80G போல அங்கு என்ன Gயோ?.லட்ச லட்ச கோடிகளைக் காக்க சில நூறு கோடிகளைத் தூக்கி ப் போடு .

IT

தேன்மழை

ஓட்டு துட்டு

தோராயமாகத்தான் சொல்கிறேன் .ஒரு முச்சத வருடங்களுக்கு முன்னால் நாட்டின் தலைநகரத்தில் கொடி யோச்சிய நவாப்புகள் ,ஆசை யாரை விட்டது ,துட்டுக்கு நாட்டை தூக்கிக்கொடுத்தனர்.

நாடு அடிமை ..ஒரு காந்தி கையில் கோலேந்தும் வரை .

நாடு சுதந்திரம் .எல்லாரும் இந்நாட்டு மன்னர்கள் ..ஆசை யாரை விட்டது .துட்டுக்கு நாட்டைக் குத்திக் கொடுக்கின்றனர்  .ஐந்தாண்டு குத்தகைப் போல .

நாடு?
காந்தி ?கோல் ?

தேன்மழை

Mmm mom

நீரின்றமையா உலகு .பொய் ....தாயின்றமையா உலகு .ஆனால் தங்களின் தாயத்துக்கு இன்னும் எத்தனை இந்த சனம் மூழ்ம்

தேன்மழை

இடமில்லை வெளியே போ!

மாரி வருவன் ,
இருநாள் அமர்வன் ,
இடம் நீ அளிக்க
"எம் முன்னோர் சாற்றிய கூற்றும் பொய்யோ!"

அளிக்க ~அழிக்க ஆனது ,காலப்பிழையோ !
இருக்கும் இடம் திரிந்து அனைத்தும் அபகரிக்க ,உறையுள் இழந்து திரியும் நிலை காண்கிறேன் .இது யாவர் குற்றம் ?குன்றும் மாள குந்தித் தின்னும் குறுமதியாளர் குற்றமா?அரசியல் பிழைத்தும் அறம் கூற்றாகியும் அடிசில் தடவி அகம்புறந்த ஆள்வோர் குற்றமா?மண்ணோ மக்கும் மன்பதையும் மக்கும் கூட்டத்தில் மதனவிதனத்தில் களிக்கும் என் போன்ற மதோன்மத்தர்கள் குற்றமா?

குற்றம் பார்க்கில் சுற்றம் இல்லை
குற்றம் பார்க்காவிடில் பிறகு சுற்றுப்புறமும் இல்லை .

ஆண்ட அவ லட்சணம் ஆழி மழைக் காட்டியும் அனுசரித்து அகழ்வது நிச்சயம் என் குற்றமே -என் செய??? கடவது கடவதுவே, என்றிலாது,கடவுள் தனம் காணும் நாள் எந்நாள் ?

அந்நாளே யாவருக்கும் தீப ஆவளி திருநாள் .அது வரை ???வெடித்துக் குமுறுங்காள் எம்மாக்களே!

தேன்மழை