மகாகணம் பொருந்திய இவர்கள் - சுயநல கயவர்கள் தானா?

நன்நெஞ்சே!

நேற்று பொதுவாக உரையாடிக்கொண்டுஇருக்கும் போது,

 

திடீரென்று அவசர அவசரமாய் கங்காணி ஓடிவந்தான்.

என்ன சேதி என்று கேட்டதற்கு,ஏதோ முக்கிய விசயமாக இஞ்சியும், கணவன் நஞ்சனும் ஆற்றைக் கடக்க கட்டுமரத்தில் ஏறினார்களாம்,பிறகுதான் தெரிகிறது அது அரைமுங்கி முதலைஎன்று,முங்கி இஞ்சியை விழுங்கிவிட நஞ்சன் முங்கியை கொன்றுவிட்டானாம்.முங்கியை இழந்ததால் மற்ற எல்லா முங்கிகளும் கரையில் நின்று கண்ணீர் வடிக்கிறதாம்.

 

இதனால் வன மக்கள் ஆற்றைக் கடக்க முடியாமல் கலங்கி நிற்கிறார்களாம்,என்ன செய்யலாம் பஞ்சாயத்து? என்றான் கங்காணி.

"சொல்கிறேன் இரு" என்று எங்கள் உரையாடலைத் தொடர்ந்தோம்.

அப்போது வனப்பட்சி, தினமணி எழுதி அனுப்பியதை வாசித்தது,

-------------------------------------------------------------------------------------------------------------

“தூத்துக்குடி டாக்டர் சேதுலட்சுமி படுகொலை செய்யப்பட்டதைக் கண்டித்து அரசு மருத்துவர்கள் அனைவரும் ஒரு நாள் வேலைநிறுத்தம் செய்தனர். சக மருத்துவர் படுகொலையில், அனைவரும் வேதனைப்படுவதைப் புரிந்துகொள்ள முடிகிறது. ஆனால், ஒரு கிளீனிக்கில் நடந்த சம்பவத்தை ஏன் அரசு மருத்துவமனையோடு முடிச்சுப் போட வேண்டும்?

டாக்டர் சேதுலட்சுமி இஎஸ்ஐ மருத்துவமனையின் தலைமை மருத்துவர். ஆனால், அரசு மருத்துவரின் சிகிச்சையில் குறை கூறியோ அல்லது அரசு மருத்துவமனை வளாகத்திலோ இந்தக் கொலை நடந்திருக்கவில்லை. அவர் தனியாக நடத்தி வரும் சுபம் கிளீனிக்கில் நடந்த சம்பவம் இது.

ஒரு கர்ப்பிணிப் பெண்ணுக்கு நடத்திய அறுவைச் சிகிச்சை; அதன்பின் நேர்ந்த சிக்கல்; அந்தப் பெண்ணின் மரணம்; "பணம் கொண்டு வந்து தரும்வரை மனைவியை பெரிய மருத்துவமனைக்குக் கொண்டு செல்லவில்லை' என்று கொலைக்குற்றவாளி சொல்லும் குற்றச்சாட்டு என அனைத்து விவகாரங்களும் சுபம் கிளீனிக்குடன் தொடர்புடையவை.

மேலும், மனைவியின் மரணத்துக்குக் காரணமான டாக்டரைக் கொலை செய்வதாக கொலையாளி மிரட்டிச் சென்றுள்ளார். அது குறித்து காவல்நிலையத்தில் டாக்டரே புகார் கொடுத்துள்ளார். கொலை மிரட்டல் விடுத்தவரை காவல்துறை கைது செய்திருக்கலாம் அல்லது சமரசம் பேசியிருக்கலாம். மருத்துவ உலகம் முதலில் கண்டிக்க வேண்டியது காவல்துறையைத்தான்.

இவை எல்லாவற்றையும் மறந்துவிட்டு, இறந்துபோன சேதுலட்சுமி இஎஸ்ஐ மருத்துவமனை தலைமை டாக்டர் என்பதை மட்டுமே முன்னிலைப்படுத்தி, அனைத்து அரசு மருத்துவமனைகளையும் ஸ்தம்பிக்கச் செய்வது முறையானதுதானா? நோயாளிகள் வெளியூர்களிலிருந்து வந்து சிகிச்சை பெற வழியில்லாமல் முதியோரும் சிறுவர்களும் பெண்களும் ஆங்காங்கே, காய்ச்சலாலும் வேறு நோயாலும் முடங்கிக் கிடந்த காட்சி பரிதாபகரமானது. தனியாக சுபம் கிளீனிக் நடத்திய அரசு மருத்துவரின் படுகொலையின் துயரத்தை அரசு மருத்துவமனைக்கு வரும் அனைத்து நோயாளிகளின் முதுகிலும் ஏற்றிவிடுவது நியாயமல்ல.

சக மருத்துவரின் படுகொலைக்கு வருந்தும் மருத்துவ உலகம்,

கொல்கத்தாவில் 90 பேர் இறந்த நாளில் கருப்பு பேட்ஜ் அணிந்து, நோயாளிகளின் மரணத்துக்காகத் தங்கள் வேதனையைத் தெரிவிக்கவில்லை. இந்த 90 பேர் மரணமும் வெறும் ரூ.3 லட்சத்தை மிச்சப்படுத்தப்போய் நேர்ந்த சம்பவம். கீழ் தளத்தில், ஸ்டோர் ரூமுக்கு எதிராக இரவில் இறக்கி வைத்த பஞ்சு மற்றும் மருந்து பெட்டிகளில் ஏற்பட்ட தீயை, ரூ.3 லட்சம் மருந்துகள் என்று கணக்குப் பார்க்காமல் தண்ணீரை ஊற்றியிருந்தால், 90 உயிர்கள் இறந்திருக்க நேர்ந்திருக்காது என்று ஆய்வறிக்கை தெளிவுபடுத்திய பின்னராகிலும், அந்த மருத்துவமனையை மருத்துவ உலகம் கண்டிக்கவில்லை. இந்த நேரத்தில் இவற்றையும் நினைக்கத்தான் வேண்டியிருக்கிறது.

ஒவ்வொரு மருத்துவமனையிலும் அவசர ஊர்திகள் மட்டுமல்ல, அமரர் ஊர்திகளும் இருக்கின்றன. அன்றாடம் யாரோ ஒருவர் இறக்கின்றார். "டாக்டரும் எவ்வளவோ முயற்சி செய்தார்; முடியவில்லை' என்றுதான் உறவினர்கள் இந்தச் சடலங்களை வீட்டுக்குக் கொண்டு செல்கிறார்கள். யாரும் கொலைவெறி கொள்வதில்லை. சில நேர்வுகளில் உறவினர்கள் ஆத்திரம் கொள்கிறார்கள் என்றால், அதற்குக் காரணம் இறந்தவர்களின் மரணத்தைவிட, மருத்துவமனையில் உறவினர்கள் சந்திக்க நேர்ந்த சம்பவங்கள்தான் என்பதை மருத்துவ உலகம் ஏன் சிந்திக்கவில்லை

புத்தாண்டு நள்ளிரவில் கோவை அரசு மருத்துவமனைக்கு, பைக்கில் விழுந்து காயமடைந்து வந்த இளைஞர் தனக்கு சிகிச்சை அளிக்கவில்லை என்பதற்காகப் பயிற்சி மருத்துவரை அறைந்த சம்பவமும், அதைத் தொடர்ந்து போராட்டமும் நடைபெற்றது. அந்த இளைஞர் குடித்திருந்தார் என்பதும், அவருக்கு சிகிச்சை அளிக்க இயலாது என்பதும் உண்மைதான். ஆனால், அறைகின்ற அளவுக்கு சுயநினைவுடன் இருக்கும் அவருக்கு முதலுதவி செய்திருந்தால் இந்தச் சம்பவம் நடந்திருக்குமா?

"அரை மணி நேரத்துக்கு முன்பாகக் கொண்டுவந்திருந்தால் காப்பாற்றியிருக்கலாம்' என்று டாக்டர் சொல்வதை உறவினர்கள் ஏற்றுக்கொள்கிறார்கள். நோயாளியைக் கொண்டு வந்து இரண்டு மணி நேரம் ஆனபிறகும் டாக்டரைக் காணாமல், தேடிப்பிடித்து அழைத்துவந்து சிகிச்சை அளித்த பிறகு நோயாளி இறந்தால், தாமதமான சிகிச்சைதான் மரணத்துக்குக் காரணம் என்று உறவினர்கள் ஆத்திரமடைந்தால், அதை மட்டும் ஏன் மருத்துவ உலகம் ஏற்றுக்கொள்ள மறுக்கிறது? இத்தகைய தகராறுகள், வன்முறைகள் யாவற்றுக்கும் உயிரிழப்பு காரணம் அல்ல. உயிரிழந்த நோயாளிக்குக் காட்டப்பட்ட அலட்சியம்தான் உறவினர்களின் உணர்வுகளை தீக்கொழுந்தாக்குகிறது.

வேலூர் மாவட்டத் தலைமை அரசு மருத்துவமனையில், காலையில் கையெழுத்துப்போட்டுவிட்டு, பகல் 10 மணிக்கே தினமும் சென்னைக்கு சென்றுகொண்டிருந்த 4 டாக்டர்களை காட்பாடி ரயில்நிலையத்தில் பொதுமக்கள் அடித்து உதைத்து, ரயில்வே போலீஸாரிடம் ஒப்படைத்தார்களே அவர்கள் மீது என்ன நடவடிக்கை எடுக்கப்பட்டது? அவர்களுக்கு எதிராக மருத்துவ உலகம் ஏன் போராட்டம் நடத்தவில்லை? இதே மருத்துவ உலகின் ஒற்றுமைதானே அவர்களைக் காப்பாற்றி வைத்திருக்கிறது.

மணப்பாறையில் தன் மகனைக் கொண்டு அறுவைச் சிகிச்சை செய்ததாக ஒரு டாக்டர் மீது புகார் எழுந்ததே, அது என்னவாயிற்று? சேலம் அரசு மருத்துவமனையில் கர்ப்பிணி மரணம் தொடர்பாக பெரும் ஆர்ப்பாட்டத்துக்கு பிறகு டாக்டர்கள் குழு விசாரித்ததே, அதன் முடிவு என்ன? எல்லாவற்றுக்கும் ஒரே விடைதான்: "பொய்யான புகார்'. "சாவுக்கு டாக்டரின் சிகிச்சை காரணமல்ல'.

தூத்துக்குடியில் டாக்டர் சேதுலட்சுமியால் சிகிச்சை அளிக்கப்பட்டு இறந்த பெண்மணி பிரசவத்தில் இறக்கவில்லை. ஆறுமாத கர்ப்பிணியான அவருக்கு திடீரென்று வலி ஏற்பட்டபோது, தொடர்ந்து சிகிச்சை அளித்துவந்த மருத்துவரான டாக்டர் சேதுலட்சுமியின் மருத்துவமனைக்கு அழைத்துச் செல்லப்பட்டார். அங்கே அளித்த சிகிச்சை பலனளிக்காமல் இறந்திருக்கிறார். உடனடியாக வேறு மருத்துவமனைக்கு அந்தப் பெண்மணி அனுப்பப்பட்டிருந்தால் ஒருவேளை பிழைத்திருக்கலாம். ஆனால், பணம் கட்டிவிட்டுத்தான் அபாயகரமான நிலையில் உள்ள நோயாளியை எடுத்துச் செல்ல அனுமதித்திருக்கிறது அந்த மருத்துவமனை என்றால், அதைக் கண்டிக்காமல் இருக்க முடியவில்லையே..

தனது மனைவியின் மரணத்துக்குக் காரணமான டாக்டரைக் கொலை செய்த கணவரை மன்னிக்க முடியாதுதான். அதைத் தீர்மானிக்க காவல்துறையும் நீதிமன்றமும் இருக்கின்றன. அதற்காக வேலை நிறுத்தம் என்ற பெயரில் ஆயிரக்கணக்கான அரசு மருத்துவமனை நோயாளிகளை மருத்துவர்கள் சிகிச்சை அளிக்காமல் தண்டிப்பது என்ன நியாயம்? தங்களது சமுதாயப் பொறுப்பை மறந்துவிட்டு, பணத்துக்காக மட்டுமே இயங்கும் இதயமில்லாத இயந்திரங்களாக மருத்துவர்கள் மாறும்போது அதனால் ஏற்படும் எதிர்வினைகள் தான் இதுபோன்ற சம்பவங்கள். வேலை நிறுத்தத்தில் ஈடுபடும் மருத்துவர்கள் ஸ்டெதாஸ்கோப்பைத் தங்கள் இதயத்தில் வைத்துக் கேட்டால், ஒருவேளை அது உண்மை சொல்லும்.”

-------------------------------------------------------------------------------------------------------------

“எல்லோரும் ஏன் மருத்துவர்களை இப்படி ஏசுகிறார்கள்.உங்கள் வீட்டில் ஒரு சொந்தத்தைக் கொன்றால் பக்கெட்டில் கறுப்புக் கொடியோடு எதிர்ப்பை முடித்து கொள்வீர்களா?மருத்துவர்கள் கடவுள் என்று நீங்களாக நினைத்துக் கொண்டால் அவர்கள் என்ன செய்வார்கள்?பாவம்!.அவர்கள் மட்டும் என்ன அமிர்தம் குடித்து விட்டா பிறந்தார்கள்?சதையும் வயிறுடனும் தானே பிறந்திருக்கிறார்கள்.

Dr.Sethulakshmi

மருத்துவர் படுகொலை செய்யப் பட்டதைக் கண்டித்து அரசு மருத்துவர்கள் அனைவரும் ஒரு நாள் வேலை நிறுத்தமும், இன்று தனியார் மருத்துவர்களும் இணைந்து ஒரு நாள் அடையாள வேலை நிறுத்தமும் செய்வது எந்த வகையில் தவறாய் போயிற்று?ஒரு நாள் தானே ஒரு வாரமா இருக்கப்போகிறார்கள்.

அதற்குள் மருத்துவம் என்பது மற்ற பணிகளைப் போன்று அல்லாமல் சேவை மனப்பான்மை உள்ளவர்கள் மட்டுமே மேற்கொள்ள வேண்டியது.அந்தச் சேவை மனப்பான்மை மட்டுமே மருத்துவர்களை , பாதிக்கப்பட்ட நோயாளிகளும் அவர்தம் குடும்பத்தினரும் கடவுளாகவே பார்கிறார்கள்.அப்படிப்பட்ட சேவையைச் செய்பவர்கள் தங்கள் கடமையையை உணர்ந்து செயல்பட வேண்டும்,இப்படி குய்யோ முய்யோ என்று கத்துவதால் என்ன பயன்?”இப்படி கேட்ட பச்சிலைப்புடுங்கியின் கேள்வியிலும் அர்த்தம் தொனித்தது.

என்ன தான் சங்கதி?

"மகேஷ்(ஆட்டோ ஓட்டுனர்)-புத்தாண்டுக்கு இரண்டு நாள் முன்பு, 6 மாச புள்ளத்தாச்சியான நித்யாவை அந்த டாக்டரிடம் காட்டினாராம்,ஏன் காட்டினார்?

தீவிரமான வயிற்று வலி ஒன்று ,இரண்டு பேறுகாலத் தொடக்கம் முதலே இவரிடம் தான் சென்றுள்ளார்கள் தம்பதிகள்.குழந்தை இறந்ததுள்ளது எனத் தெரிந்ததும் அறுவை சிகிச்சை செய்துள்ளார்.நிலைமை மோசமாகவே AVM தனியார் மருத்துவ மனைக்கு அனுப்பியுள்ளார்,ஆனால் வழியிலேயே இறந்துவிட, உணர்ச்சிவசப்பட்டு ஈமச் சடங்குகளை முடித்த கையோடு,உங்கள் தவறால் தான் என் மனைவி இறந்தாள் என்று ஜன 2 இரவு 10.30 மணிக்கு அரிவாளால் வெட்டிக் கொன்றுவிட்டான் கணவன்" என்றான் கொசுவிரட்டி.

அப்படியே,அனைவரையும் முந்திக்கொண்டு இந்த தகவலைச் சொன்னான் கொக்கு விரட்டி,INDIAN MEDICAL ASSOCIATION கவுரவ செயலாளர்,டாக்டர் ரவிசங்கர்,என்ன சொல்றாருனா,

“இது போன்ற சம்பவம் தமிழகத்தில் நடைபெற்றது இதுவே முதல் முறை .இந்திய மருத்துவ சங்கம் இந்த கொடுஞ்செயலை வன்மையாகக் கண்டிக்கிறது .இது போன்ற சம்பவங்கள் இனிமேல் நடக்காமல் இருக்க அரசு தமிழகத்தில் உள்ள தனியார் மருத்துவமனைகளுக்கும்,மருத்துவர்கள்,ஊழியர்களுக்கு உரிய பாதுகாப்பு வழங்க வேண்டும்.

பொதுமக்களுக்கு விழிப்புர்ணவை ஏற்படுத்த வியாழக்கிழமை அனைத்து தனியார் மருத்துவமனை மருத்துவர்களும் வேலை நிறுத்தத்தில் ஈடுபடவுள்ளோம்.தமிழக மருத்துவர்கள் போராட்டத்திற்கு புதுவை ,கேரளா,ஆந்திரா,கர்நாடக மருத்துவர்களும் ஆதரவு தெரிவித்துள்ளார்கள்.அரசிற்கு எங்களது கோரிக்கையை அந்தந்த மாவட்டத் தலைநகர கலக்டர்களிடமும்,சென்னை மருத்துவத்துறை செயலாலரிடமும் மனுவாக அளிப்போம்.

பொதுமக்களுக்கும் மருத்துவர்களுக்கும் சுமூக உறவு இருக்க வேண்டும்.சமீபகாலமாக மருத்துவர்கள் பொதுமக்கள் இடையே பிரச்சனைகள் ஏற்பட்டு வருகிறது.ஆபத்தான நிலையில் இருப்பவர்களையும் இருப்பவர்களையும் காப்பாற்ற வேண்டும் என்று தான் சிகிச்சை அளிக்கிறோம் அதனையும் மீறி நோயாளி இறக்கும்போது மருத்துவரைக் குறை சொல்வது எப்படி நியாயம் ஆகும்?”

“ஆமாம் நியாயம் இல்லை தான். டாக்டர்.சேதுலட்சுமி உண்மையில் ஒரு மகளிர் நல மருத்துவரோ, அறுவை சிகிச்சை நிபுணரோ அல்ல, மயக்கமருந்து மருந்து நிபுணர்,

அதுவும் MD (anesthesiology) அல்ல D.A(diploma in anesthesiology).ESI மருத்துவர், அரசு மருத்துவர்,பல வருடங்கள் அனுபவமான மருத்துவர் இந்த தகுதிகளோடு மட்டுமே அந்த 26வயது இளம் பெண்ணின் வயிற்றைக் கிழித்து இறந்த குழந்தையை அகற்ற முயற்சித்திருக்கிறார் மருத்துவர்.

வயிற்றிலேயே 6மாத குழந்தை இறந்து,HELLP syndrome ஆல் பாதிக்கப் பட்டு உயிருக்கே மோசமான நிலையில் வந்திருக்கும் பெண்ணை ICU வில் வைத்து ஒரு மகளிர் நல மருத்துவர் பார்த்திருக்க வேண்டுமே அல்லாது மயக்க மருந்து நிபுணர் அல்ல.அதென்ன HELLP syndrome பேறுகாலத்தில் இரத்தக் கொதிப்பால் உண்டாகும் மோசமான தீவிளைவு.

இந்த நோயாளியைப் போல் மிகுந்த வயிற்று வலியோடு வரும் இந்நோயில் hemolysis,liver enzymes elevation,low platelets,ஆகிய பண்புகள் இருக்கும், திடீரென ரத்த அழுத்தம் குறைந்து மரணமே நிகழும்.இது ஒரு obstetric emergency.இதை ஒரு obstetrician,anesthetist,hematologist ஆகியோர் கூட்டு முயற்சியில் தீவிர சிகிச்சைப் பிரிவில் மட்டுமே வைத்து,

eclampsia நிலைக்கு போகாமல் தடுக்க-magnesium sulphate

corticosteroids

ரத்தம் கசிந்து-ரத்த அழுத்தம் குறையாதிருக்க-platelet transfusion,fresh frozen plasma transfusion

caesarian section

போன்ற சிகிச்சைகளை மிகுந்த கண்காணிபோடு அளித்திருக்க வேண்டும்,

 

ஆனால் தன்னுடைய சாதாரன கிளினிக்இல் எப்படி, இப்படிப்பட்ட அபாயகரமான(risky) சிகிச்சை அளிக்க முனைந்தார் என்பது தெரியவில்லை.

அறுவை சிகிச்சை எல்லாம் செய்த பின் நிலைமை மோசமாகவே,AVM hospitalக்கு அனுப்பியுள்ளார்,போகும் வழியிலேயே அதிக ரத்தம் கசிந்து,ரத்த அழுத்தம் குறைந்து,மயங்கியுள்ளார் நோயாளி.

AVM hospital லில்"நோயாளி வரும் போதே இறந்து விட்டார்,(brought dead)" எனக் கூறி விட்டனர்.நித்யா இறந்துவிட்டார்.

கனகலக்ஷ்மி-இறந்த நோயாளியின் மாமியார் கூறுவதைக் கேட்டால் இன்னும் பகீர்,10,000ருபாய் முன்பணம் செலுத்தும் வரை மருத்துவர், நோயாளியைத் தொடவே இல்லையாம்.இரண்டு மணி நேரம் கழித்து கணவன் பணத்தோடு வந்த பிறகு தான் சிகிச்சையையே துவங்கினாராம் அந்த மருத்துவர்”.

மருத்துவர் முதலிலேயே நோயாளியை சகல வசதிகள் கொண்ட மருத்துவமனைக்கு அனுப்பியிருக்க வேண்டும்.(refer to tertiary centre,அந்த tertiary centre ன  என்ன டா -கொசுவிரட்டி.நம்ம மெட்ராஸ் பெரியாஸ்பத்திரி மாதிரினு வச்சிக்கயேன்-கொக்கு விரட்டி)

மேலும்,

Indian Penal Code, 1860 sections 52, 80, 81, 83, 88, 90, 91, 92 304-A, 337 and 338 contain the law of medical malpraxis in India.

A physician can be charged with criminal negligence when a patient dies from the effects of anesthesia during, an operation or other kind of treatment, if it can be proved that the death was the result if malicious intention, or gross negligence. Before the administration of anaesthesia or performance of an operation, the medical man is expected to follow the accepted precautions

“Gross Lack of competency or gross inattention, or wanton indifferences to the patient’s safety, which may arise from gross ignorance of the science of medicine and surgery or through gross negligence, either in the application and selection of remedies, lack of proper skill in the use of instruments and failure to give proper attention to the patient.” (Hampton v State; State v Lester)

ஆக ,sec 304-A பிரிவின் படி இது ஒரு அப்பட்டமான MEDICAL CRIMINAL NEGLIGENCE இல்லையா?

இந்த கொடும் குற்றச்செயலுக்கு வக்காலத்தாகத்தான் மருத்துவர்கள் போராடுகிறார்களா?

சரி,இந்த போராட்டம் நடத்திய டாக்டரில் யாரேனும் ஒருவர் அந்த டாக்டர் தவறே செய்யவில்லை என்று உறுதி செய்துவிட்டு அதன் பின் போராட்டம் நடத்தி இருந்தால் இந்த டாக்டர்களை நாம் பாராட்டலாம், கோயில் கட்டி கூட கும்பிடலாம்.ஆனால் யாரவது செய்தார்களா?

நம் தேன்மழையின் இவ்விடத்தில் MEDICAL NEGLIGENCE பற்றி மேலும் அறிந்துகொள்ளலாம்.

இதே அமெரிக்க,லண்டன் போன்ற அயல் நாடுகளில் நடந்திருந்தால் டவுசரை உருவி டங்குவாரை அத்திருப்பார்கள்.

ஆனால் இது இந்தியா ஆயிற்றே! இங்கே மருத்துவர்கள் கடவுள் அல்லவா?அதனால் தான், நம்மை என்ன செய்து விட முடியும் நம்மில் என்ன குற்றம் கண்டு விட முடியும் என்ற ஆணவத்தில்,இருமாப்பில்,உயிர்களை காக்கவும் செய்வோம் சாகவும் விடுவோம் என்று திமிரோடு இன்று வேலை நிறுத்தம் செய்கிறார்கள்.

சரி,இவ்வளவு பொறுப்பான மருத்துவர்கள்,வேலை முடிந்தவுடன் முதல்வரையோ ஆளுனரையோ சந்தித்து மனு கொடுக்கலாம் இல்லையா?அதெல்லாம் செய்ய மாட்டார்கள்,”நாங்க அப்படித்தாண்ட என்னடா பண்ணுவீங்க?” என்பது போல அடாவடித்தனம் செய்யும் இப்படிப்பட்ட மருத்துவர்களை ,இந்த சமூகம் இனி எப்படி எடுத்துக்கொள்ளப் போகிறது எனத்தெரியவில்லை.

கடகடவென தான் அறிந்த செய்திகளை மழை பெய்து ஓய்ந்தது போல் பொளந்துதள்ளிவிட்டு அமர்ந்தாள் காட்டுச்சிறுக்கி.

அவள் அமர்ந்ததும் தலையை கீழே குனிந்துவைத்துக்கொண்டாள்,அடுத்த நொடியே,ஒரு சொட்டு நீர் அவள் கண்களில் இருந்து நிலத்தில் விழுந்தது.

படிச்ச புள்ளைல அதான் வெவரம பேசுது,இளித்துக்கொண்டே சொன்னான் கொக்கு விரட்டி.

ஆனால் கொசு விரட்டியின் முகத்தில் ஈயாடவில்லை.

இந்த காலத்தில் அனைத்தும் வணிகமயம் ஆகிவிட்டது.ஒன்னுக்கு போறதுக்கு கூட காசு கொடுக்க வேண்டிய நாட்டில்,

இந்தியர்களை அந்நியர்களுக்கு விற்க தயாராகிக்கொண்டிருக்கும் நாட்டில்.ராமன் ஆண்ட என்ன ராவணன் ஆண்ட என்ன என்று கோவணத்துக்கு சமமான ஓட்டையே விற்கும் நாட்டில்,

ஒரு குறிப்பிட்ட வர்க்கத்தினர் மட்டும் நீதி,நேர்மை,எருமை,கருமை என்று இருப்பதற்கு முட்டாள்களா? ,மடையர்களா?.

மேலும் மருத்துவத்தின் இன்றைய நிலை பற்றி நம் தேன்மழையில் நீதியா? கிலோ என்ன விலை!!!! என்ற தலைப்பில் வெளிவந்துள்ளது.(பாக்காதவுங்க பாத்துக்குங்கப்பா..அப்புறம் காட்ல..ஆட்லனு சொல்லக்கூடாது!!-பச்சிலைபுடுங்கி கத்தினான்)

அரசு மருத்துவர்களே உங்களில் எத்தனை உள்ளசுத்தியுடன் பணியாற்றுகிறீர்கள்,நெஞ்சில் கைவைத்து சொல்லுங்கள்.24மணிநேர இலவச ஆரம்ப சுகாதார நிலையங்களில் எத்தனைபேர் 24மணி நேரம் பணியாற்றுகிறீர்கள்.மைய மருத்துவமனைகளுக்கு எத்தனை பேர் நேரத்திற்கு செல்கிறீர்கள்.

தனியார் மருத்துவமனைகளில் 400,500 என நீங்கள் கேட்கிற பணத்தைக் கொடுத்து,கால்கடுக்க காத்திருந்து,நீங்கள் கிழித்துத் வீசுகிற கோழிக்கிறுக்கல்களை பொருக்கி செல்லும் அந்த அப்பாவி நோயாளிகளின் ஏழ்மைமுகம்,

 

அன்பு கணவனின் கண்ணீரும் ஆசை மனைவியை இழந்த வலியும், (அன்புக் கணவனா,யோவ் ஒரு கொலை செஞ்சிட்டு ஜெயிலுக்கு போனவன்,இன்னொரு attempt murder வேற இவனுக்கெல்லாம் அன்பு ஒரு கேடா-கொசுவிரட்டி கொக்குவிரட்டியிடம் கேட்டான்,அதற்கு அவன் ,"ஏன் கொலைகாரப் பயலா இருந்தா ஒத்த பொண்டாட்டி மேல அன்பு இருக்க கூடாதா? அதுவும் புள்ளத்தாச்சி வேற,எனக்கொரு மகன் பிறப்பான்னு அவன் என்னைப்போலவே  இருப்பான்னு ஆசைப்பட்டிருக்கக் கூடாதா? அந்த அளவுக்கு பாசம் இல்லாம,எதுக்கு கொலை பண்ணனும் டாக்டர்க்கும் இவனுக்கும் என்ன சொந்த தகராற இல்ல சொத்துத் தகராற,அவன் மிருகம் அதை மிருகத்தனமவே காட்டீட்டான்"என்று சொன்னான்.
கொசுவிரட்டி சலித்துக் கொண்டே"போங்கடா நீங்களும் உங்க வெளக்கங்களும்!,இதுல போட்டோ வேற!!!!".  )

உங்கள் கண் முன் வந்திருந்தால் இந்த போராட்டம் தேவையேபட்டிருக்காது.

அதற்காக அவன் கொன்றது சரி என்று இந்த பஞ்சாயத்து கூறவில்லை.நெற்றிக்கண் திறப்பினும் குற்றம் குற்றமே,ஆனால் ஆத்திரத்தில் அறிவு இழந்து சட்டத்தை தன்கையில் எடுத்த அந்த ஆட்டோக்காரனுக்கும், ஆறேழு வருசங்கள் அச்சடித்த ஆசார கோவையை படித்த மகாகணம் பொருந்திய மருத்துவர்கள் சட்டத்தைக் கையில் எடுத்ததற்கும் இந்த பஞ்சாயத்திற்கு பெரிதாய் வித்யாசம் தெரியவில்லை.

80,90களில் பசுந்தோல் போர்த்திய புலிகளை பார்த்த மறத்தமிழன்,இன்று இறைதோல் போர்த்திய சுயநல கயவர்களை அல்லவா கப்பம் கட்டிப் பார்த்துக்கொண்டிருக்கிறான்.

இதற்கெல்லாம் தீர்வே இல்லையா? முதலில் ஒன்றை நன்றாகப் புரிந்து கொள்ள வேண்டும், மக்கள் பணி என்பது மகேசன் பணி, ஏன் என்றால்?யோசித்துப் பாருங்கள்.இந்த உலகம் தோன்றி கோடி கோடி..2G ஊழல் கோடி வருடத்திற்கு மேலாகிவிட்டது என்று இறைவன் ஒரு மணிநேரம் நிறுத்தி வைத்தால் என்ன ஆகும்,

சூரியனுக்கு வயதாகிவிட்டது என்று ஒரு நாள் மட்டும் வராமல் இருந்து விட்டால்?அது தான் மகேசன் பணி.அதைப் போலத்தான் மருத்துவப் பணியும்.இது ஒரு தொழில் அல்ல-சேவை. 

எவனோ ஒருவனுக்கு என்ன  ஆனால் எனக்கென்ன ? என்று திமிரெடுத்து வேலை நிறுத்தம் செய்யும் மகாகணம் பொருந்திய மருத்துவர்கள் சேவை மனப்பான்மையோடு இருப்பார்களா அல்லது தொழில் முனைப்போடு இருப்பார்களா?அடுத்தவன் வீட்டில் எழவு விழுந்ததால் வீதிக்கு வந்து வேஷம் கட்டுகிறார்கள்,இதே நிலைமை அவர்கள் குடும்ப உறுப்பினர்களுக்கு நேர்ந்திருந்தால்?

நம்ம பச்சிலைப்புடுங்கி அடிக்கடி சொல்வது போல் தனக்குனு வந்தாதான் தயிர்வடையும், தலைவலியும் என்னான்னு தெரியும்.

இங்கு சேவை செய்வோரின் கூடாரம் கிழிக்கப்பட்டு,தொழில்முனைவோரின் பாதணிக்கு உப்பசம்போக்க சாமரம் வீச ஆரம்பித்து ரொம்ப நாட்கள் ஆகிவிட்டது என்பது தான் வருத்தத்திலும் வருத்தம்.

(என்னடா இன்னும் government அ உள்ள இழுக்கலையே-கொசு விரட்டியின் mind voice நன்றாகக் கேட்டது) ஒரு சிறந்த அரசின் கடமை பொது மக்களை காப்பது தான். அடவாடித்தனம் பண்ணுபவர்களை அல்ல. அதனால் மக்களை பாதுகாக்கும் அளவிலும், தவறு செய்யும் டாக்டர்கள் மற்றும் மருத்துவமனைகளை தண்டிக்கும் வகையிலும் ஏற்ற சட்டத்தை உருவாக்க வேண்டுமென்பதுதான் அதை நம் இந்திய அரசாங்கம் செய்யுமா என்பதுதான் எல்லோருடைய எதிர்பார்ப்பாக இருக்க முடியும்.

அப்ப அவங்க டங்குவார அத்துவிடறதுதான் முடிவா வெளிப்படையாகவே கேட்டான் கொசுவிரட்டி.ஏசுநாதர் சொன்னது போல் உங்களில் யார் யோக்கியர்களோ அவர்களே கல்லெடுத்து வீசுவீர்களாக.!!

இந்நேரத்தில் காட்டுச்சிறுக்கிக்கு விருப்பமான பாடலைக் கூறுவது பொருத்தம்-நல்லவர்க்கெல்லாம் சாட்சிகள் ரெண்டு-ஒன்று மனசாட்சி,இன்னொன்று தெய்வத்தின் சாட்சியம்மா!!!தெய்வம் நின்று தான் கொல்லும் ஆனால் கொல்லும்.

எல்லா மருத்துவர்களையும் காயப்படுத்த வேண்டும் என்பது பஞ்சாயத்தின் நோக்கம் அல்ல.இன்றும் மருத்துவத்தை மறையாய் போற்றி மக்கள் மனதில் இறையாய் வாழும் நல்மனங்களும் இருக்கத்தான் செய்கின்றன.அவர்களை என்றுமே இந்த பஞ்சாயத்து சிரம் தாழ்த்தி வணங்கிக் கொள்கிறது.

அதனால் நல்வழியில் மருத்துவம் செய்யும் டாக்டர்கள் இதை தவறாக எடுத்து கொள்ள வேண்டாம்.தவறாகவும் எடுத்துக்கொள்ளமாட்டார்கள்.நமது எண்ணமெல்லாம் மருத்துவத்தை பிடித்த நோய் ஓடிப்போகவேண்டும் என்பது மட்டும்தான்.அதற்காக என்ன வேண்டுமானாலும் செய்யலாம்!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

இறுதியாக இந்த பஞ்சாயத்து கேட்பதெல்லாம்,டாக்டரைக் கொன்றது மன்னிக்க முடியாத குற்றம்.,துளி கூட மனிதத் தன்மை  அற்ற செயலே,மிக மிக மிக மோசமான அரக்கத்தனமான கொடுஞ்செயல் தான்.ஆனால் அதேசமயம், அதை வெளிக்காட்டிய விதம் சரியா? என்பதே ஆகும்..

ஆதாரங்களை அளித்து, சீர் தூக்கி பேர் நோக்க உதவிய medindia,dinamani,deccan chronicle,expressbuzz,chennaionline,webmd,emedicine,facebook இன்ன பிற இணையங்களுக்கும் இந்த பஞ்சாயத்து நன்றி கலந்த வணக்கத்தை தெரிவித்துக் கொள்கிறது.

பஞ்சாயத்து கூறி முடித்ததும்,ஏதோ தெளிந்தவன் போல ஆற்றங்கரை பக்கம் வந்த வேகத்தோடு ஓடினான் கங்காணி.